Änewiň Ahal futbol topary Türkiýedäki okuw-türgenleşik ýygnanyşygynyň çäklerinde Saud Arabystanynyň Al-Adala futbol topary bilen ýoldaşlyk duşuşygyny geçirdi. Bu barada toparyň metbugat gullugy jemgyýetçilik torlaryndaky hasaby arkaly habar berdi.
2:2 hasabyndaky deňlik bilen tamamlanan duşuşykda Ahalyň gollaryny 35-nji minutda Elman Tagaýew, 54-nji minutda Meýlis Diniýew geçirdi.
Al-Adala Saud Arabystanynyň çempionatynyň Birinji ligasynyň wekilidir. Topara Türkmenistanyň milli ýygyndysynyň ozalky baş tälimçisi, horwatiýaly hünärmen Ante Mişe tälim berýär. Ol toparyň başyna şu ýylyň 16-njy iýunynda geçdi.