Türkmenistanyň wise-çempiony “Ahal” AFK Kubogy ýaryşynyň täze möwsüminiň 2-nji saýlama tapgyrynda 1-nji duşuşygy geçirer.Ildeşlerimiz bu tapgyrda Gyrgyz Respublikasynyň Goçgarata şäheriniň “Neftçi” topary bilen duşuşar.
Birinji oýun 5-nji fewralda myhmançylykda geçiriler.Jalal-Abad şäherindäki “Kurmanbek” stadionynda oýnaljak duşuşyk Aşgabat wagty bilen 17:00-da başlar. “Ahal” toparyna bu duşuşykda üstünlik arzuw edýäris.Jogap duşuşygy 12-nji fewralda Aşgabat şäherinde oýnalar.
Bu tapgyrda ýeňiş gazanan topar pleý-off tapgyrynda Täjigistanyň “Hujand” topary bilen özara güýç synanyşar.Pleý-off tapgyrynyň ýeňijisi bolsa, toparçalarda oýnamaga hukuk gazanar. Ýagny “D” toparçada ýurdumyzyň çempiony “Altyn asyr”, Täjigistanyň çempiony “Istiklol”, Gyrgyz Respublikasynyň çempiony “Dordoý” toparlary bilen duşuşar. “D” toparçanyň oýunlary 15-nji martda başlar.“Ahal” toparynyň myhmançylykdaky duşuşykda çykyş etjek oýunçylarynyň sanawy: Derwezeçiler: Batyr Babaýew, Öwezmyrat Öwezmyradow; Goragçylar: Güýçmyrat Annagulyýew, Gurbanguly Aşyrow, Abdy Bäşimow, Serdar Annaorazow, Myrat Hamraýew, Azady Annadurdyýew, Hoşgeldi Hojowow, Söhbet Allanurow; Ýarymgoragçylar: Amir Gurbany, Elman Tagaýew, Yhlas Saparmämmedow, Gurban Annaýew, Guwanç Abylow, Artur Geworkýan, Serdar Tukyýew, Ilýa Tamurkin, Döwran Orazalyýew; Hüjümçiler: Myrat Ýagşyýew, Pirmyrat Sultanow.