Ozal hem habar berşimiz ýaly, Aziýanyň Çempionlar ligasynyň toparçalaýyn tapgyrynyň şu ýylky duşuşyklary merkezleşdirilen görnüşinde geçiriler.
Häzir Günbatar sebitiň duşuşyklarynyň nirelerde geçiriljekdigi belli däl, ýöne AFK-nyň resmi saýty Gündogar sebitdäki toparçalaýyn duşuşyklary kabul etjek döwletler barada maglumat berdi.
Şeýlelikde, F, G we J toparçalaryndaky duşuşyklar Tailandda, H toparçasyndaky duşuşyklar Wýetnamda, I toparçasynyň duşuşyklary bolsa Malaýziýada geçiriler.
Has takygy,
Tailandda boljak duşuşyklar:
F toparça: Şandong Taişan (Hytaý), Urawa Reds (Ýaponiýa), Lion Siti (Singapur), pleý-offuň ýeňijisi.
G toparça: Patum Ýunaýted (Tailand), Çonnam Dragons (Koreýa Respublikasy), Ýunaýted Siti (Filippinler), Melburn Siti (Awstraliýa).
J toparça: Şanhaý Port (Hytaý), Çiangraý Ýunaýted (Tailand), Kitçi (Gonkong), pleý-offuň ýeňijisi.
Wýetnamda boljak duşuşyklar:
H toparça: Çonbuk Motors (Koreýa Respublikasy), Ýokogama Marinos (Ýaponiýa), Hoang An Gia (Wýetnam), pleý-offuň ýeňijisi.
Malaýziýada boljak duşuşyklar
I toparça: Kawasaki Frontale (Ýaponiýa), Guangžou (Hytaý), Johor Darul Tazim (Malaýziýa), pleý-offuň ýeňijisi.
AFK-nyň Çempionlar ligasynyň Günbatar zolagynda ýurdumyzyň wise-çempiony Ahalyň hem ýaryşjakdygyny ýatladýarys.