AFK Kubogynyň toparçalaýyn tapgyrynyň ikinji aýlawynda Altyn asyr Rawşan bilen deň oýnady. Duşuşyk şu gün Aşgabat stadionynda geçirildi.
Garşydaşlaryň aýgytly hüjümler arkaly 90 minudyň dowamynda ýeňşe ymtylmaklary netije bermedi, oýun deňlikde tamamlandy. Gapma-garşylyk 1:1 hasabynda gutardy.
Has takygy, täjik toparynyň hüjümçisi Emmanuel Mwanengonyň 17-nji minutda uran goluna, ikinji ýarymyň ortalarynda Rahman Myratberdiýew dürs we netijeli urgy arkaly jogap berdi.
Şeýlelikde, iki oýundan soň 2 utuk toplan Rawşan E toparçada üçünji orny ýeläp duran bolsa, Altyn asyr 1 utuk bilen soňky orunda barýar.
AFK Kubogynyň üçünji tapgyrynyň çäklerinde Altyn asyr 25-nji oktýabrda Merw bilen duşuşar. Rawşan bolsa şol gün Abdyş-Ata bilen oýnar.