Türkiýäniň Prezidenti Rejep Taýyp Ärdogan öz karary bilen iki ministri täzeledi diýip, TASS habar berdi.
Hökümetiň Resmi gazete atly neşirinde ýerleşdirilen resminamada ýurduň saglygy goraýyş ministri Fahretdin Hojanyň ýerine Kemal Memişoglunyň bellenendigi aýdylýar. Türkiýäniň ekologiýa we şäher gurluşygy ministri Mehmet Özhasekiniň ýerine Murat Kurum bellendi, Kurum öň bu wezipäni 2018-2023-nji ýyllarda eýeledi.
Habarda öňki ministrleriň iş başyndan gitmek üçin Prezidente arza berendigi aýdylýar. Özhaseki öz gelen netijesini saglyk ýagdaýy bilen baglanyşdyrdy.
Martda Türkiýede geçen ýerli saýlawlardan soňra ministleriň belli bir böleginiň iş başyndan gitmegine garaşylýardy, dolandyryjy partiýanyň agzalary ýolbaşçylaryň şeýle meýliniň bardygyny tassykladylar.