Türkiýäniň we Hytaýyň prezidentleri telefon arkaly söhbetdeşlikde sebitdäki wakalary we iki ýurduň arasyndaky gatnaşyklary ara alyp maslahatlaşdylar.
Türkiýäniň TRT web sahypasyna görä, Prezident Rejep Taýyp Ärdogan Hytaýyň prezidenti Şi Jin ping bilen telefon arkaly söhbetdeşlikde iki ýurduň ykdysady we diplomatik hyzmatdaşlygynyň mümkinçiligini nygtady.
Türkiýäniň prezidenti, bu ýurduň nukdaýnazaryndan hytaý uýgurlarynyň bu ýurduň beýleki raýatlary bilen deň hukukly bolmalydygyny aýtdy.
Ärdogan şeýle-de, Türkiýäniň Hytaýyň milli jebisligine we özygtyýarlylygyna hormat goýýandygyny aýtdy.
Hytaýyň prezidenti hem öz ýurdunyň Türkiýe bilen hemmetaraplaýyn hyzmatdaşlyga taýýardygyny mälim etdi.
Halkara jemgyýetçiligi Hytaý hökümetini Sinszýan welaýatynda uýgur musulmanlarynyň hukuklaryny bozmakda aýyplaýar. Emma Pekin bu aýyplamalary birnäçe gezek ret edip, Hytaýyň içerki işlerine gatyşylmagy barada duýduryş berendir.