Älem medeni-dynç alyş merkezi Aşgabat şäheriniň ýaşaýjylaryny we myhmanlaryny 30-njy sentýabrda türkmen estradasynyň meşhur aýdymçylarynyň gatnaşmagynda Türkmenistanyň Garaşsyzlygynyň 32 ýyllyk baýramyna bagyşlanyp geçiriljek konserte çagyrýar.
Medeni çäräniň maksatnamasyna laýyklykda, konsertde Döwran Saparow, Nobat Ödenyýazow, Perhat Soltyýew, Ahmet Atajanow, Sapar Saparow we beýleki aýdymçylar çykyş ederler. Konserti Myrat Mollaýew, Merdan Annamuhammedow hem-de Ylham Sädiýew dagy alyp barar.
Baýramçylyk çäresi sagat 16:00-dan 22:00-a çenli dowam eder. Şol gün Älem medeni-dynç alyş merkeziniň ähli attraksionlary çagalar üçin tölegsiz bolar.
Konserte gatnaşmaga isleg bildirýänler bronlamak üçin şu telefon belgä jaň edip bilerler: 66 81 82.