ABŞ-nyň Aeronawtika we kosmos giňişliginiň barlaglary boýunça Milli müdirliginiň (NASA) başlygy Bill Nelson 2040-njy ýylda adamyň Marsa baryp biljekdigine ynanýar. Ol bu barada Ispaniýanyň “El Mundo” gazeti bilen söhbetdeşlikde aýtdy.
Bill Nelsondan ilkinji adamyň näwagt Marsa gadam basjakdygy soralanda: – 2040-njy ýylda, bary-ýogy 17 ýyl galdy diýip belledi. Ol: “Aýa ýetmek üçin üç-dört gün töweregi wagt gerek, ýöne Mars has alysda ýerleşýär – diýdi.
-Gyzyl planeta ýetmek üçin ýedi-sekiz aý gerek bolar, şeýle ýagdaýda planetalaryň ýerleşýän ýerleri alty-sekiz aýda ýene yzyňa gaýdyp gelmäge mümkinçilik berýänçä, bir-iki ýyl ol ýerde galmaly bolar. Marsa gidýän adamlaryň ömrüni goramak üçin heniz biz ýene köp zatlaryň üstünde işlemeli bolarys – diýip, ol sözüniň üstüni ýetirdi.