AFK-nyň Çempionlar ligasynyň toparçalaýyn tapgyrynda Ahaldan utulan Al-Feýha (Saud Arabystany) 1/8 finalda Kriştianu Ronaldunyň we onuň topardaşlarynyň garşydaşy boldy. Ýaryşyň indiki tapgyrynyň bijeleri AFK-nyň Kuala-Lumpur şäherindäki ştab-kwartirasynda çekildi.
Ahalyň başga bir topardaşy ― BAE-niň Al-Aýn topary bolsa ýene-de özbek topary bilen duşuşdy. Toparçalaýyn tapgyrda Pahtakory ýaryşdan çykaran Al-Aýn bu gezek Nasafyň garşydaşy boldy.
Ýaryşyň indiki tapgyryna Saud Arabystanyndan dört, Koreýa Respublikasy bilen Ýaponiýadan üç, Özbegistandan iki, BAE, Eýran we Hytaýdan bir topar gatnaşar.
Umuman, bije çekişligiň netijeleri aşakdaky ýaly:
Günbatar sebit
Nasaf (Özbegistan) ― Al-Aýn (BAE)
Al-Feýha (Saud Arabystany) ― Al-Nassr (Saud Arabystany)
Sepahan (Eýran) ― Al-Hilal (Saud Arabystany)
Nawbahor (Özbegistan) ― Al-Ittihad (Saud Arabystany).
Gündogar sebit
Çonbuk Motors (Koreýa Respublikasy) ― Phohon Stilers (Koreýa Respublikasy)
Ulsan (Koreýa Respublikasy) ― Wentforet Kofu (Ýaponiýa)
Şandun Taýşan (Hytaý) ― Kawasaki Frontale (Ýaponiýa)
Bagkok Ýunaýted (Taýland) ― Ýokogama F. (Ýaponiýa).
AÇL-niň 1/8 finalynyň birinji duşuşyklary 12-13-nji fewralda, jogap duşuşyklary bolsa 19-20-nji fewralda oýnalar.