TRT tarapyndan berilen habara görä, 18-23 oktýabrda "Emeli intellekt, ýaýlym we Jemgyýet" temasy bilen geçiriljek "61-nji ABU-nyň baş assambleýasyna" 60-a golaý ýurtdan 400-den gowrak wekil gatnaşar.
Bäş gün dowam etjek çäräniň çäginde, maslahatlar we panelleriň ýany bilen 13-nji ABU TV Aýdym-saz festiwaly hem geçiriler.
2023-nji ýyldan bäri ABU-nyň başlyklygyny ýerine ýetirýän TRT-niň Baş müdüri Mehmet Zahid Sobajynyň gatnaşmagynda geçiriljek maslahatlarda, emeli intellekt tehnologiýalarynyň ýaýlymyň geljegini nähili şekillendirjekdigi, sanlylaşdyrma tapgyry we şol özgerişiň jemgyýetçilik täsirleri ýaly meseleler ara alnyp maslahatlaşylar.
13-nji ABU TV Aýdym-saz festiwaly 20-nji oktýabrda Stambulda Lütfi Kyrdar Halkara Kongres we Sergi Köşgünde geçiriler.
Aziýa-Ýuwaş Umman sebitiniň medeni baýlyklaryny sergilejek çäre; 11 ýurduň sungat ussatlaryny bir sahnada jemläp, sebitiň sazly köpdürlüligini tanyşdyrmaga goşant goşmagy maksat edinýär.
Türkiyä Sinan Akçylyň wekilçilik etjek ABU TV Aýdym-saz festiwalyna, TRT Müzik telewideniýe kanalynyň ekranlarynda göni ýaýlym arkaly tomaşa edip bolar.
Telewideniýe, radio we sanly media ugurlarynda 15 görnüşde geçiriljek bäsleşigiň ýeňijilerine baýraklar, ABU Baýrak gowşurylyş dabarasynda beriler.