SENTKOM-uň sosial media hasabyndan berilen beýannamada ABŞ-nyň Harby howa güýçlerine degişli F-22 kysymly harby uçarlaryň sebite barandygy mälim edildi.
Beýannamada “F-22 Raptor uçarlarynyň Eýranyň ýa-da onuň wekilleriniň sebitleýin dartgynlygy artdyrma ähtimallygyny azaltmak üçin” sebitdäki Amerikan güýçlerinin pozisiýa üýtgetmesiniň çäginde SENTKOM-yň jogapkärçiligindäki zolaga barandygy habar berildi.
Sebite näçe sany F-22 uçarynyň ugradylandygy ýa-da olaryň haýsy ýurda-ýurtlara ornaşdyrylandygy hakynda maglumat berilmedi.
Hamasyň Syýasy býurosynyň başlygy İsmail Haniýýa 31-nji iýulda Eýranyň paýtagty Tähranda janyna kast edilip öldürilipdi.
Eýran we Hamas hüjümiň aňyrsynda Ysraýylyň bardygyny beýan edip, resmi Tähran Tel-Awiwe garşylyk görkezjekdigini duýdurypdy.
Beýleki tarapdan SENTKOM-uň Serkerdesi general Mişel Erik Kurillanyň Eýran bilen dartgynlygyň dowam edýän günlerinde Ysraýyla gaýtadan sapar gurandygy habar berildi. Soňky gezek 5-nji awgustda Ysraýylda saparda bolan Kurilla, Goranmak ministri Ýoaw Gallant we Baş ştabyň başlygy Herzi Halewi bilen duşuşypdy.