Russiýanyň Daşary işler ministriniň orunbasary Sergeý Rybakow ABŞ-nyň döwlet Sekretarynyň Ýewropa we Ýewraziýa işlerinden jogapkär orunbasary Karen Danfried bilen howpsuzlyk kepillendirmeleri boýunça maslahat geçirdi.
Rybakow Moskwada resmi saparda bolýan Danfried bilen ministrlikde metbugata ýapyk häsýetde duşuşyk geçirdi. Duşuşykdan soň berilen beýannamada; “ABŞ-nyň we NATO-nyň Ýewropadaky harby-syýasy şertleri öz bähbidine üýtgetmek ugrundaky synanşyklary dowam edýärkä howpsuzlyk kepillendirmeleri meselesi giňişleýin seljerildi” diýilýär.
Danfried Russiýa saparyndan ozal Ukrainanyň paýtagty Kiýewde saparda bolupdy.
Russiýanyň döwlet Ýolbaşçysy Wladimir Putin 7-nji dekabrda ABŞ-nyň Prezidenti Jo Baýden bilen geçiren onlaýn duşuşygynda, NATO-nyň gündogara tarap giňelmejekdigi we Russiýa goňşy ýurtlarda ýarag ulgamlarynyň ornaşdyrylmagynyň öňüniň alynmagy boýunça kepilnama talap edipdi.