Ýerli habar çeşmelerinden alynan maglumata görä düýn agşam sagat 22:30-da Deýr-ez-Zaur welaýatynda Ýewfrat derýasynyň gündogarynda Ömer nebir ýatagyndaky harby baza kamikaze görnüşli uçarmansyz howa ulaglary bilen hüjümler guraldy.
Hüjümden soň bazada sirenanyň sesleri eşidildi, ABŞ-na degişli harby uçarlar sebitde uçuş amala aşyrdylar.
Ondan soň ABŞ-nyň harby güýçleri Ömer nebit ýatagyndan Ýewfrat derýasynyň günbatarynda Eýran tarapyndan goldanýan toparlaryň ýerleşen Haşşam, Jafra, Hawije we Mreýiýýe obalaryna toplar bilen hüjümler gurady.
Beýleki tarapdan bolsa Homs welaýatyndaky ABŞ-nyň Tenef harby bazasyna kamikaze görnüşli uçarmansyz howa ulaglary bilen hüjümler guraldy.
Uçarmansyz howa ulaglarynyň bir bölegi harby bazadaky howa goranyş ulgamlary tarapyndan täsirsiz ýagdaýa getirilen hem bolsa, bir bölegi baza degdi.
Harby bazalarda zyýanyň çekilip-çekilmändigi barada entek maglumat berilmedi.
Eýran tarapyndan goldanýan toparlar Ýewfrat derýasynyň gündogar kenaryndaky ABŞ-na degişli bazalara wagtal-wagtal raketalar we uçarmansyz howa ulaglary bilen hüjümler guraýarlar.