Milli metbugatda berilen habarlara görä, resmiler 34 million adamyň sil apaty howpunyň astyndadygyny habar berdiler.
Adam pidalaryna esasan hem ýaramaz howa şertleri sebäpli emele gelen ulag heläkçilikleriniň, agaçlaryň ýykylmagynyň we sil apatlarynyň sebäp bolandygyny aýdan resmiler, ulagy sil suwuna gapylan bir zenanyň golaýdaky adamlar tarapyndan halas edilendigini, emma zenanyň 5 ýaşyndaky çagasynyň bolsa sil apatynda ýogalandygyny mälim etdiler.
San-Luis-Obispo sebitiniň şerifi Toni Çipolla, dereksiz ýiten adamlaryň tapylmagy üçin gözleg we halas ediş işleriniň dowam etdirilýändigini beýan etdiler.
Santa Kruz sebitinde takmynan 32 müň adam, Santa Barbara sebitinde bolsa 10 müň adam, sil apaty we ýer süýşgünleri howpy sebäpli ewakuasiýa edildi.
Ştatyň gündogar böleginde bolsa 2 metr galyňlygynda gar ýagdy, daglaryň töweregindäki esasy ýollaryň harsaň howpy sebäpli ulaglara ýapylandygy aýan edildi.
Santa Klara sebitinde takmynan 225 müň öýüň we iş ýeriniň elektrik toksuz galandygy beýan edildi.
Milli Meteorologiýa gullugy sebitdäki ýaramaz howa şertleriniň dowam etjekdigini habar berdi.