ABŞ-da prezidentlik ýaryşynda gazanan üstünliginden soň çykyş eden Respublikaçy dalaşgär Donald Tramp “Taryh ýazdyk, üstünlik gazandyk” diýdi.
Saýlawyň resmi bolmadyk ilkinji netijelerinden soň Floridada çykyş eden Donald Tramp, saýlawda üstünlik gazanandygyny yglan etdi.
Tramp saýlawyň netijesini “taryhy we syýasy ýeňiş” hökmünde häsiýetlendirdi.
Tramp “Taryh ýazdyk. 47-nji prezidentiňizi saýlandygyňyz üçin sagboslun aýdýaryn. Her gün siziň üçin göreşerin. ABŞ-nyň altyn asyry bolar. Bu ABŞ üçin uly ýeňiş” diýdi.
ABŞ-da prezidenti 538 adamdan ybarat “saýlawçylar geňeşi” kesgitleýär.
Dalaşgärlerden biri Ak Tama gitmek üçin 270 dalaşgäre eýe bolmaly.
Saýlawyň resmi bolmadyk netijelerine görä, Tramp 267 delegada, Demokratlaryň dalaşdäri Harris bolsa 224 delegada eýe boldy.
Saýlawçylar geňeşi 17-nji dekabrda saýlawda kimiň üstünlik gazanandygyny resmi taýdan yglan eder.
Saýlawyň ýeňijisi 6-njy ýanwarda Senat tarapyndan tassyklanar.
20-njy ýanwarda ABŞ-nyň täze prezidenti Kongresde kasam edip Ak Tamdaky wezipesini häzirki Prezidenti Jo Baýdenden kabul edip alar.
Saýlawda 435 kürsüli Wekiller Palatasynyň agzalary bilen 100 agzaly Senatdaky 34 kürsüniň eýeleri hem saýlanar.
Ilkinji netijelere görä Respublikaçylar Wekiller Palatasynda we Senatda esasy köplüge eýe boldy.