Amerikanyň Döwlet sekretarlygyndan berilen ýazmaça beýannamada, sanksiýa goýulan firmalaryn hatarynda bir sanysy merkezi Wiýetnamda ýerleşýän, iki sany merkezi Hytaýda ýerleşýän, iki sany Eýran firmasynyň ýany bilen 1 sany merkezi Birleşen Arap Emirliklerde ýerleşýän firmanyň bardygy mälim edildi.
Şol firmalara degişli 20 gäminiň hem sanksiýanyň düzümine goşulandygy habar berildi.
Sanksiýa goýulan firmalar we ulanmagy gadagan edilen gämiler bilen arabaglanşykly bolanlaryň ählisine sanksiýa goýuljakdygyna üns çekilýän beýannamada, şol firmalaryn ABŞ-da ýerleşýän we amerikaly raýatlaryň gözegçiligindäki ähli emläkleriniň Gazna ministrliginiň Daşary ýurtlylaryň emlaklerine gözegçilik ofisine habar berilmelidigi nygtalýar.
ABŞ-nyň Döwlet sekretary Entoni Blinken beren beýannamasynda; “ABŞ, Eýranyň energetika eksportuny azaltmakda ygrarly. Eýranyň nebit we nebit-himiýa söwdasyny ýeňilleşdirenlere hem sanksiýa goýulmaga dowam ediler” diýdi.