ABŞ-nyň Kentukki ştatynda täsirli bolan aşa ýagan ýagyşlarda we şol sebäpli emele gelen sil apatlarynda ýogalanlaryň sany 37 adama ýetdi.
Resmiler ýüzlerçe adamyň dereksiz ýitendigini mälim etdiler.
Ştatyň gubernatory Endi Beşir sil apatlarynda ýogalan adamlaryň sanynyň artmagyna alada bildirýändiklerini aýan etdi.
Ýurduň iň garyp sebitleriniň birine ýaramaz täsir ýetiren ýagyşyň suwunyň 30 sm-den hem geçendigini aýdan Beşir, güýçli ýeliň bolsa beýleki howplara sebäp bolup biljekdigi barada duýduryş berdi.
ABŞ-nyň Milli Gwardiýasynyň serkerdesi Daniel Hokanson takmynan 400 adamyň dikuçarlar bilen halas edilendigini, sebitde 18 müň adama elektrik togunyň berilip bilinmeýändigini, azyndan 300 adamyň wagtlaýyn çadyrlara sygynandygyny aýan etdi.
Sebitdäki köprüler we ýüzlerçe öý suwuň aşagynda galdy.
Kaliforniýa ştatynda anna gününden bäri dowam edýän tokaý ýangynlarynyň başdan geçirilýän sebitde ýanan bir ulagyň içinde 2 adamyň jesediniň tapylandygy mälim edildi.