ABŞ-nyň Los-Anjeles şäherinde, geçen hepdäniň ahyrynda müňlerçe adamyň gatnaşmagynda geçirilen Aý senenamasyna esaslanýan Täze ýyl baýramy bilen bagly çärede ýaragly hüjüm guran we 10 adamyň ýogalmagyna sebäp bolan hüjümçi, öli ýagdaýda ele salyndy.
Los-Anjeles sebitiniň şerifi Robert Luna, ady Huu Kan Trandygy anyklanan hüjümçiniň, polisiýa işgärleriniň ulagyny gaban mahaly öz ýaragy bilen ýaralanmagy netijesinde ýogalandygyny habar berdi.
Robert Luna 72 ýaşyndaky Tranyň hüjümden soň gaçan ak reňkdäki mikroawtobusyň Los-Anjelesiň günortasyndaky Torrans şäherinde polisiýa işgärleri tarapyndan anyklanyp, gabaw astyna alynandygyny mälim etdi.
Tranyň mundan başgada şol gije Alhambra şäherindäki başga bir tans studiýasyndaky ýaragly aksiýa amala aşyrmaga synanyşandygyna ynanylýandygyny aýdan Luna, hüjümler bilen baglanşykly başga bir adamyň gözlenmeýändigi barada maglumat berdi.
ABŞ-nyň Los-Anjeles şäheriniň takmynan 10 km gündogaryndaky Montereý Park şäherinde 21-nji ýanwarda ýerli wagt bilen sagat 22:20-de Aý senenenamasyna laýyklykda Täze ýyl baýramynyň bellenip geçilýän mahaly guralan ýaragly hüjümde 10 adam ýogalypdy, 10 adam hem ýaralanypdy.
Şol gije Montereý Park şäheriniň demirgazygyndaky Alhambra sebitindäki tans studiýasynda hüjüm synanyşygy bolupdy, golaýdaky adamlar tarapyndan täsirsiz ýagdaýa getirilen hüjümçi wakanyň bolan ýerinde gaçmagyň hötdesinden gelendigi habar berilipdi.