ABŞ-nyň käbir ştatlarynda iki günden bäri täsirini dowam etdirýän tupan sebäpli ýogalanlaryň sany 23 adama ýetdi.
Ýerli ýolbaşçylaryň berýän maglumatyna görä, güýçli ýel sebäpli bolan heläkçiliklerde Tehasda 7, Oklahoma şatynda 2, Arkansaz şatynda 8, Kentukki ştatynda 5 we Alabama ştatynda hem 1 adamyň ýogalandygy anyklandy.
Güýçli ýel sebäpli ýurtda azyndan 400 müň adamyň elektrik togynyň kesilendigi bellenildi.
Nýu-Ýorkda, Pensilwaniýada we Nýu-Žerside ýaşaýan 30 million adama tupan sebäpli has ünsli bolmaklary üçin duýduryş berildi.
Ak Tamdan berlen beýannamada, Prezident Jo Baýdeniň tupan sebäpli käbir ştatlaryň ýolbaşçylary bilen telefon arkaly söhbetdeşlik geçirendigi we adam pidalaryna gynanç bildirendigi nygtaldy.
Beýannamada, Jo Baýdeniň hökümetiň apata sezewar bolan sebitlere federal goldawyň beriljekdigine ünsi çekendigi ýatladyldy.