Wermont ştatynyň Polisiýa gullugyndan berilen beýanatda, Konnektikut ştatyndandaky howa menzilleriniň birinden 4 adamlyk kiçi uçaryň takmynan 2 sagat dowam eden uçuşyndan soň Wermont ştatyna barandygy habar berildi.
Belli bir wagt soň uçardaky 4 adamyň Konnektikut ştatyna gaýdyp barmak üçin ýola çykandygy bellenen beýanatda, polisiýa gullugynyň uçar heläkçiligi bilen bagly maglumat almandygy, emma uçardakylaryň ýakynlarynyň uçaryň gaýdyp gelmändigini aýdandyklary mälim edildi.
Beýanatda başladylan gözleg işleriniň netijesinde uçaryň bölekleriniň tapylandygy we uçardaky 4 adamyň ýogalandygynyň anyklanandygy aýan edildi.
ABC News tarapyndan berilen habara görä Konnektikut ştatyndaky mekdepleriň birinde awiasia ugrunda mugallymçylyk edýän bir adam we okuwçysy, uçaryň düzümindäki adamlardy.
Federal awiasia edarasy we Milli ulag howpsuzlygy geňeşi mesele bilen bagly derňew işini başlatdy.