Amerikalylar gara anna diýilýän arzanlaşykly satuwlaryň barşynda onlaýn-söwdalara 9 million dollardan gowrak pul sarp etdiler diýip, Habar 24 ýazýar.
Söwdalarda, esasan, gajetlere, oýnawaçlara we sport türgenleşik enjamlaryna köp pul harç edilipdir. Ýagny şu ýylyň oktýabryndaky adaty günlerindäki söwdalar bilen deňeşdirilende, elekron harytlaryň satuwy 221, oýnawaçlaryň we sport enjamlarynyň satuwlary degişlilikde, 285 we 218 göterim artdy.
Pikiri soralanlaryň köpüsi söwdalary öňden meýilleşdirendiklerini, arzanlaşyklara köp garaşandyklaryny aýtdylar. Ykjam telefonlar arkaly sargytlar boýunça öňki rekord täzelendi, ýagny her ikinji söwdalaşyk smartfon arkaly amala aşyryldy.