Ak Tamyň Milli howpsuzlyk boýunça kömekçisi Jeýk Suliwan, Azerbaýjan bilen Ermenistanyň arasynda geçirilýän gepleşiklerde öňe gidişlik edilmegine hoşallyk bildirdi.
Sulliwan, Twitterden beren habarnamasynda, Azerbaýjanyň Daşary işler ministri Jeýhun Baýramow bilen Ermenistanyň Daşary işler ministri Ararat Mirzoýany Ak Tamda myhman almakdan hoşaldyklaryny belledi.
“Ermenistan bilen Azerbaýjanyň arasynda geçirilýän gepleşiklerde öňegidişlik edilmegine hoşallyk bildirýäris we gepleşikleriň dowam etdirilmegine goldaw berýäris” diýen Suliwan, gepleşikleriň iki ýurduň we sebitiň halky taýdan möhümdigini nygtady.
ABŞ, ýekşenbe güni başlan Azerbaýjan-Ermenistan gepleşiklerine ýer eýeçiligini edýär. Şol çäkde, Döwlet sekretary Entoni Blinken, duşenbe güni Azerbaýjanyň we Ermenistanyň Daşary işler ministrleri bilen duşuşypdy.
Blinken, ýekşenbe güni Azerbaýjanyň Prezidenti İlham Aliýew we Ermenistanyň Premýer-ministri Nikol Paşinýan bilen telefon arkaly söhbetdeşlik geçiripdi.