Şweýsariýaly tennisçi Rojer Federer öz dogduk mekany Bazel şäherinde geçirilen “Swiss Indoors” ýaryşynda ýeňiş gazandy. 37 ýaşyndaky tennisçi finalda rumyniýaly Marius Kopili 7:6 we 6:4 hasaplar bilen ýeňlişe sezewar etdi.
Bazeldäki 9-njy çempionlygyny baýram eden Federer ATP-niň bäsleşiklerindäki 99-njy kubogyny (ýekelikde) asmana göterdi. Şeýlelikde, iýun aýyndan bäri ilkinji kubogyny gazanan şweýsariýaly tennisçi ATP-de 109 çempionlygy bolan amerikaly Jimmi Konnorsa ýene bir ädim golaýlady.