Angliýanyň “Premier ligasynda” çempion soňky tapgyrda belli bolup, 1 utuk öňde barýan “Mançester Siti” bassyr 2-nji, umumylykda 6-njy ýeňşini baýram etdi. 98 utuk toplan şäherliler soňky tapgyrda myhmançylykda “Braýtony” 41 hasabynda ýeňmegi başardy. “Sitä” ýeňiş getiren gollary Aguero (28), Laporte (38), Mahrez (63) hem-de Gündogan (72) derwezä girizdi.
Toparyň tälimçisi Pep Guardiola Ser Aleks Fergusondan soň, “Premier ligada” yzly-yzyna çempionlyk gazanan ilkinji tälimçi boldy.Garşydaşynyň utulmagyna garaşan “Liwerpul” bolsa, öz meýdançasynda “Wulwerhemptondan” 20 üstün çykdy. 97 utuk toplap, öz rekordyny goýan “Liwerpula” bu üstünlik çempionlyk üçin ýeterlik bolmady.
Möwsümde diňe 1 oýunda myhmançylykda “Mançester Sitiden” 21 utulan “Liwerpul” şeýle görkeziji bilen çempionlyk gazanyp bilmedik ilkinji topar boldy.Ikinji orny eýelän klublaryň arasynda iň köp utuk toplan topar bolan “Liwerpul” şu möwsümde öz meýdançasynda bir gezek hem ýeňilmedi.22 gol geçiren 3 futbolçy, afrikaly ýyldyzlar — müsürli Mohamed Salah, gabonly Pier-Emerik Obameýang hem-de senegally Sadio Mane çempionatyň iň köp gol salan oýunçylary boldy. “Liwerpulyň” golland goragçysy Wirgil Wan Deýk ýylyň futbolçysy, Pep Guardiola bolsa, ýylyň tälimçisi baýraklaryna laýyk görüldi.