Saud Arabystanynyň paýtagty Er-Riýadda Şa Salmanyň adyny göterjek stadionyň gurluşygynyň dizaýn meýilnamasy hödürlendi. 92 müň orunlyk täze stadionyň gurluşygyny 2029-njy ýylda tamamlanmak meýilleşdirilýär.Saud Arabystanynyň Sport ministrligi täsin stadion bilen tanyşdyrýan kompýuterde döredilen mahabat wideosyny hödürledi.
Kaşaň stadionyň dizaýny Las-Wegasdaky “Sfera” taslamasy bilen tanalýan “Populous” kompaniýasy tarapyndan işlenip düzüldi.Binagärleriň sözlerine görä, desga çölde ýaňy gögerip ugran tohuma çalym eder.Diwarlary we ganatlary ýaşyl otluk bilen basyryljak stadionyň degre-daşyny äpet seýilgäh gurşap alar.
Sport ýaryşlaryny synlamaga gelen tomaşaçylar stadionyň üstündäki ýörite niýetlenen ýodalarda rahat gezelenç edip bilerler.VIP myhmanlar üçin goşmaça 2200 orun, VVIP tomaşaçylary üçin bolsa, 300 orun göz öňünde tutulan.
Bu stadionyň uly sport toplumynyň bir bölegine öwrüljekdigi tassyklanýar.Bu ýerde futbol meýdançasyndan başga-da, skalodromlar, olimpiýa basseýni we ýeňil atletikaçylar üçin meýdançalar bolar.Stadionyň Saud Arabystanynyň milli futbol ýygyndysynyň merkezine öwrülmegine garaşylýar. Şeýle-de bu kaşaň desgada 2034-nji ýylyň futbol boýunça dünýä çempionatynyň oýunlarynyň geçirilmegine garaşylýar. /* custom css */ .td_uid_15_674469081b3b6_rand.td-a-rec-img { text-align: left; } .td_uid_15_674469081b3b6_rand.td-a-rec-img img { margin: 0 auto 0 0; }