Kino sungatynyň iň abraýly sylagy bolan Oskar baýraklarynyň 90-njy goýberilişini kimiň alyp barjakdygy mälim edildi.Kino akademiýasynyň habar bermegine görä, geljek ýylky ýubileý çäräni-de şu ýyl bolşy ýaly, komediýaçy Jimmi Kimmel alyp barar.
Bu barada Jimmi Kimmel: Ýene-de meni saýlandyklary üçin akademiýa köp sagbolsun aýdýaryn.Nesip bolsa, bu gezek hernä dogry bukja açylar diýdi.Mälim bolşy ýaly, Jimmi Kimmel şu ýylky Oskar dabarasynyň alyp baryjysy bolupdy. Şol dabarada weteran artistler Warren Bitti bilen Feý Danaweý iň gowy film baýragynyň ýeňijisini ýalňyşypdylar.
Baýragy ilki “La La Lend” filminiň, soňra-da “Aýyň ýagtysy” kinosynyň alandygyny mälim edipdiler. 90-njy Oskar dabarasy 2018-nji ýylyň 4-nji martynda Los Anjelesdäki “Dolby” teatrynda geçiriler.