Her ýylyň 9-njy oktýabry Bütindünýä poçta güni hökmünde bellenilýär. 1939-njy ýylda Buenos-Aýresda geçirilen Xl Bütindünýä poçta kongresinde “Bütindünýä poçta birleşiginiň gününi” bellemek
teklip edilýär. Bu senäniň saýlanmagynyň sebäbi 1874-nji ýylyň 9-njy
oktýabrynda “Bütindünýä poçta birleşigi” esaslandyrylmagydyr.
Emma şol döwür bu karar güýje girmän eken.
Şuňa meňzeş karar Ýaponiýanyň paýtagty Tokioda 1969-njy ýylyň XVI Bütindünýä poçta birleşiginiň kongresinde hem
kabul edilýär. Halkara baýramçylyk hökmünde Bütindünýä poçta birleşiginiň güni
ilkinji gezek 1970-nji ýylda bellenildi.
1984-nji ýylda Gamburgda
geçirilen 19-njy
Bütindünýä poçta kongresinde Bütindünýä poçta birleşiginiň gününi Bütindünýä
poçta gününe öwürmek barada karar kabul edilýär. Ondan öň Ottawada geçirilen XIV
Bütindünýä poçta birleşiginiň kongresinde her ýyl hat-ýazuw hepdeligini 9-njy oktýabrda, Bütindünýä poçta gününe öwürmek kararyna
gelinýär. Bu baýram BMG-niň halkara günleriniň düzümine hem girýär hem-de dünýäde poçta
hyzmatlarynyň ýaýramagyna we ösmegine itergi bermek üçin niýetlenendir. 1994-nji ýylda Russiýa Federasiýasynyň Prezidentiniň karary bilen iýul aýynyň ikinji
ýekşenbesi “Russiýa poçta güni” diýlip bellenildi.
Dünýä ýurtlarynda “Bütindünýä poçta güni” bilen
baglanyşykly birnäçe gyzykly çäreler, ýaryşlar geçirilýär. Mysal üçin, 2005-nji ýylda Kamerunda poçta
işgärleri bilen CAMTEL telekommunikasiýa kompaniýasynyň işgärleriniň arasynda
futbol oýny geçirilýär. Bütindünýä poçta güni mynasybetli poçta markalary,
sergileri guralýar, konsert çäreleri geçirilýär. 2006-njy ýylda bu günüň hormatynda Arhangelsk poçta bölüminde “Köýnek
hatlary” atly poçta bukjalarynyň sergisi açylýar.
2007-nji ýylyň 9-njy
oktýabrynda “ Rus poçta”-nyň sebit bölümlerinde “Men elipbiý çekýärin” atly poçta
markasyny çyzmak boýunça bäsleşik geçirildi we ýeňijiler yglan edilip sowgatlar
berildi. Bu bäsleşik, ilkinji poçta markasynyň Russiýada dolanyşyga
girizilmeginiň 150 ýyllygyna, şeýle hem rus
diliniň ýylyna we rus poçtasy ösüşiniň taryhyna bagyşlandy. Bäsleşik Rus
poçtasy we Marka neşirýat we söwda merkezi hem-de Russiýanyň Filatelistler bileleşigi
tarapyndan guralýar. Görnüşi ýaly bu sene baýramçylyk görnüşinde her ýurtda
dürlüçe geçirilýär.
Seýli ARYŞOW,
Türkmenistanyň Daşary işler ministrliginiň Halkara gatnaşyklary institutynyň talyby.