Kolumbiýada geçirilen 9-njy Günorta Amerika çempionatynda Braziliýanyň zenanlar ýygyndysy çempion boldy.Olar Bukuramanga şäherinde oýnalan finalda ýer eýeleri Kolumbiýanyň ýygyndysyndan 1-0 üstün çykdy.Sambaçy zenanlara ýeňiş getiren ýeke-täk goly. 39-njy minutda Debinýa geçirdi. Şeýlelikde, Braziliýanyň ýygyndysy 8-nji gezek “Copa America Femenina” ýaryşynda çempion boldy (1991, 1995, 1998, 2003, 2010, 2014, 2018, 2022). 9-njy gezek geçirilen çempionatda Braziliýanyň ýygyndysyna diňe 2006-njy ýylda çempionlyk gazanmak başartmady.
Argentinada geçirilen şol çempionatda ýer eýeleri kubogy eýeläpdi.Kolumbiýanyň ýygyndysy soňky 4 ýaryşda 3-nji gezek finalda utuldy.
Ýaryşda 3-nji orna Paragwaýdan 3-1 üstün çykan Argentinanyň ýygyndysy mynasyp boldy. Çempionatyň iň ökde oýunçysy diýlip, Kolumbiýanyň ýyldyzy Linda Kaisedo saýlandy. 6 gol geçiren argentinaly Ýamila Rodriges çempionatyň iň netijeli futbolçysy boldy.