Bir döwürler Hytaýyň “Super Ligasynyň” naýbaşy klublaryndan bolan “Guanžou Ewergrande” topary 2-nji liga düşdi. 2011-nji ýyldan bäri Hytaýyň çempionatynda 8, AFK Çempionlar Ligasynda-da 2 çempionlyk gazanan klubuň 33-nji tapgyrdan soň aşaky liga düşjekdigi mälim boldy.
Topar 2011-2019-njy ýyllar aralygynda birnäçe ýyldyz futbolçyny gymmat transfer bahalary bilen düzümine goşupdy.Topar 2011-nji ýylda transfere 300 million ýewro harçlapdy. Şol ýyl düzümine Paulinio, Jekson Martines, Taliska ýaly oýunçylary goşupdy.
Marçelo Lippi, Fabio Kannawaro, Luis Felipe Skolari ýaly tälimçiler bilen çempionlyklar gazanan klub baş hemaýatkäri hem-de klubuň paýnamalarynyň 56 göteriminiň eýesi “Ewergrande” kompaniýasynyň maliýe babatda şowsuzlyga uçramagyndan soň, klubuň ýagdaýy hem peselip başlady.
Guanžou şäheriniň adybir kluby düzümindäki ähli legionerleri ugradyp, çempionatda diňe ýerli futbolçylar bilen çykyş etmeli boldy. Şu möwsümde 33 oýunda bary-ýogy 3 gezek ýeňiş gazanan topar ahyry aşaky liga düşdi.