Italiýada “Bolonýa” bilen “Lilliň” arasyndaky duşuşykda myhmanlar 2-1 hasabynda ýeňiş gazandy.Fransuz klubuna ýeňiş getiren gollaryň 2-sini hem 44-nji we 66-njy minutlarda Ngal’aýel Mukau geçirdi. Ýer eýelerinden Jon Lukuminiň 63-nji minutdaky goly ýeňşe ýeterlik bolmady.
Bu gol “Bolonýa” toparynyň 60 ýyldan soň bu ýaryşda geçiren ilkinji goly hökmünde hasaba alyndy.Awstriýada “Şturm Gras” topary öz meýdançasynda “Žironany” Mika Bieretiň ýeke-täk goly bilen ýeňip, bu ýaryşda 23 ýyldan soň ilkinji ýeňşini gazandy.
Angliýada oýnalan “Aston Willa” bilen “Ýuwentusyň” arasyndaky duşuşykda hasap açylmady. Ýer eýelerinden M.Rojersiň 90+4-nji minutda geçiren goly VAR-yň görkezmesi bilen ofsaýt sebäpli hasaba alynmady.
Dortmundyň “Borussiýa” topary Zagrebde ýerli “Dinamonyň” derwezesinden jogapsyz 3 gol geçirdi.Gollary Gittens 41, Bensebiani 56, Girassi 90 derwezä girizdi.Serbiýanyň çempiony “Srwena Zwezda” öz meýdançasynda “Ştutgart” bilen duşuşdy.
Oýunda nemes kluby 5-nji minutda Demirowiçiň goly bilen öňe geçdi. Ýöne ýer eýeleri dessine Mwumpanyň goly bilen hasaby deňläp, soňam Kruniçiň goly esasynda öňe saýlandy. 2-nji ýarymda-da belgradlylar has erjel oýun görkezip, garşydaşynyň derwezesinden ýene-de 3 gol saldy. Şol gollary Iwaniç bilen Radýoniç (2) öz atlaryna ýazdyrdylar. /* custom css */ .td_uid_15_67490632e757e_rand.td-a-rec-img { text-align: left; } .td_uid_15_67490632e757e_rand.td-a-rec-img img { margin: 0 auto 0 0; }