Türkmenistanyň Prezidenti Hatyra gününe düşýän dynç gününi geçirmek hakynda Permana gol çekdi. Watan habarlar gepleşiginde habar berilişi ýaly, resminamada 2024-nji ýylyň 6-njy oktýabryndaky dynç gününi 7-nji oktýabra — duşenbe gününe geçirmelidigi, Permanyň ýerine ýetirilmegini, eýeçiliginiň görnüşine garamazdan, ähli edaralaryň, kärhanalaryň we guramalaryň üpjün etmelidigi bellenilýär.
Resminama Hatyra gününiň dynç gününe düşýändigi sebäpli we Türkmenistanyň Zähmet kodeksiniň 81-nji maddasynyň ikinji bölegine laýyklykda kabul edildi.