UEFA Ýewropa ligasynda çärýek finalyň birinji oýunlarynda myhmançylykdaky toparlar üstünlikli çykyş etdi.Kubogyň esasy dalaşgärlerinden “Mançester Ýunaýted” myhmançylykda “Granadany” 2-0 hasabynda ýeňdi.Duşuşykda “Ýunaýtediň” gollaryny Markus Reşford bilen Bruno Fernandeş derwezä girizdi. Şu möwsümde Ýewrokuboklarynyň çäginde 8-nji goluny geçiren Markus Reşford 56 ýyllyk rekorda şärik boldy.
Ol Bobbi Çarltondan soň, Ýewrokuboklarynda bir möwsümde 8 gol geçiren ilkinji iňlis futbolçy hökmünde hasaba alyndy.
Çärýek finalyň beýleki oýunlarynda “Roma” myhmançylykda “Aýaksy” 2-1 ýeňdi. “Aýaksdan” Tadiçiň penalti salyp bilmedik oýnunda gollary ýer eýelerinden 39-njy minutda Klaassen, myhmanlardan 57-nji minutda Pellegrini bilen 87-nji minutda Ibanýes geçirdi.
Ispanlaryň “Wilýarrealy” hem myhmançylykda “Dinamo Zagrebi” Žerar Morenonyň 44-nji minutda penaltiden geçiren goly esasynda 1-0 ýeňdi.
86-njy minutda Pepeniň goly bilen öňe saýlanan “Arsenal” 90+4-nji minutda “Slawiýa Pragadan” Holeşiň goluny saklap bilmedi.
Arsenal Slawiýa Praga: 1-1
Granada Mançester Ýunaýted: 0-2
Aýaks Roma: 1-2
Dinamo Zagreb Wilýarreal: 0-1
The post 56 ýyllyk rekordy gaýtalady appeared first on Zaman Türkmenistan.