Polşanyň “PAP” habarlar gullugynyň beýan etmegine görä ÝB-ne agza Polşanyň, Litwanyň, Latwiýanyň we Estoniýanyň liderleri ÝB Komissiýasynyň Başlygy Ursula fon der Lýaýene we ÝB Geňeşiniň Başlygy Şarl Mişele ÝB-niň serhetleriniň harby we harby däl taýdan goralmagyny maksat edinýän goranyş liniýasy boýunça hat ugratdy.
Litwanyň Prezidenti Gitanas Nauseda, Polşanyň Premýer-ministri Donald Tusk, Estoniýanyň Premýer-ministri Kaža Kallas we Latwiýanyň Premýer-ministri Ewika Silina tarapyndan gol çekilen hatda, degişli ýurtlaryň Russiýa we Belarus bilen bolan serhetlerine 700 kilometrlik goranyş liniýasynyň gurulmagyny talap edilýär.
Ugradylan hatda taslamanyň möçberi we düşýän gymmaty sebäpli ÝB tarapyndan hem syýasy hem-de maliýe taýdan goldanmalydygy beýan edilip, “ÝB-niň serhetleriniň harby we harby däl taýdan goralmagy üçin adatdan daşary çäreler görülmeli” diýilýär.
Käbir Ýewropa ýurtlary bolsa şol taslamanyň 2,6 milliard dollara barabar boljakdyny beýan edýär.