Germaniýanyň kubogy (DFB-Pokal) ýaryşynyň finalynda Dortmundyň “Borussiasy” bilen Frankfurtyň “Aýntrahty” duşuşdy.Deniz Aýtekiniň eminlik eden duşuşygynyň 8-nji minutynda Osman Dembele dortmundlylary öňe çykardy. 29-njy minutda-da Ante Rebiç hasaby deňledi. 67-nji minutda-da Pier-Emerik Obameýang bellenen penaltini dürs urup, toparyna ýeňiş getirdi. Şunlukda, yzly-yzyna 3 finalda utulan “Borussia Dortmund” dördünjisinde kubogy asmana göterdi.
Topar mundan öňem 1965-nji, 1989-njy we 2012-nji ýyllarda Germaniýanyň kubogyny gazanypdy. 74-nji sapar geçirilen Germaniýanyň kubogy ýaryşynyň finaly 1986-njy ýyldan bäri Berlindäki Olimpiýa stadionynda oýnalýar.