Ýurdumyzyň futbol çempionatynda 30-njy tapgyrda oýnalan 4 duşuşykda 12 gol geçirilip, 1 oýunda hasap açylmady. 2 duşuşykda myhmanlar ýeňiş gazandy.Sanawyň lideri “Ahal” myhmançylykda “Turandan” 40 hasabynda üstün çykdy.
Gollary Didar Durdyýew, Begenç Akmämmedow, Yhlas Saparmämmedow hem-de Wahyt Orazsähedow derwezä girizdi. 1 oýny kem “Altyn asyr” hem 3 utugy 4 gol bilen gazandy. Öz meýdançasynda “Energetigi” kabul eden aragatnaşykçylar 41 hasabynda ýeňşini baýram etdi.
Eýýäm 1-nji ýarymda 3 gol geçiren “Altyn asyryň” adyndan Mekan Aşyrow, Altymyrat Annandurdyýew, Murat Ýakşiýew hem-de Furkat Tursunow tapawutlandy.Myhmanlaryň ýeke topuny-da 90+3-nji minutda Pirmyrat Gazakow derwezä gönükdirdi. 3-nji ýer ugrunda ýiti göreş alyp barýan “Şagadam” myhmançylykda “Merwden” 21 hasabynda üstün çykdy. 27-nji minutda ýer eýeleri Guwanç Ýagmyrowyň goly bilen öňe saýlansa-da, 2-nji ýarymda Begenç Annagurbanow bilen Ýunus Orazmämmedowyň pökgüleri kenarýaka şäheriniň toparyna ýeňiş gazandyrdy.
Paýtagtymyzda oýnalan “Aşgabat”“Köpetdag” derbi duşuşygynda-da hasap açylmady.