Günorta Amerikanyň klublarynyň arasyndaky iň uly bäsleşik bolan “Libertadores” kubogynda (Copa Libertadores) soňky çempion “Riwer Pleýt” (Argentina) bilen “Flamengo” (Braziliýa) finala çykdy. “Superklasiko” derbisinde “Boko Huniors” bilen “Riwer Pleýt” duşuşdy. 1-nji oýunda 20 ýeňiş gazanan “Riwer Pleýt” jogap oýnunda 10 asgyn geldi.
Hurtadonyň 79-njy minutdaky goly bilen 10 üstün çykan “Boko Huniorsa” bu hasap finalda oýnamak üçin ýeterlik bolmady. 7-nji gezek finala çykan “Riwer Pleýt” topary kubogy 1986-njy, 1996-njy, 2015-nji we 2018-nji ýyllarda gazanyp, ol 1966-njy we 1976-njy ýyllarda-da ikinji ýeri eýeläpdi.“Riwer Pleýtiň” finaldaky garşydaşy Braziliýanyň “Flamengo” topary boldy. “Flamengo” topary ýarym finalda ýurduň başga bir kluby, 2017-nji ýylyň çempiony “Gremiony” ýaryşdan çykardy. 11 gutaran birinji oýnuň jogap duşuşygynda “Flamengo” uly hasap bilen, 50 hasabynda garşydaşyny ýeňlişe sezewar etdi.
Rio de Žaneiro şäheriniň wekiliniň gollaryny Bruno Henrike (42), Gabriel Barbosa (46, 55 p), Mari (66) hem-de Rodrigo Kaio (70) derwezä girizdi. Şunlukda, “Flamengo” 38 ýyldan soň, 2-nji gezek “Libertadores” kubogynda finala çykmagy başardy.
Olar mundan öň 1981-nji ýyldaky finalda Çiliniň “Kobreloa” toparyny ýeňip, kubogy asmana göteripdi.“Riwer Pleýt” bilen “Flamengonyň” arasyndaky final duşuşygy 23-nji noýabrda Çiliniň paýtagty Santiagodaky Hulio Martines Pradanosyň adyny göterýän Milli stadionda oýnalar.