Moto GP boýunça Dünýä çempionatynyň 4-nji ýaryşy Ispaniýanyň Herez şäherinde geçirildi.Bu bäsleşik Moto GP-niň taryhyndaky 3000-nji ýaryş diýlip hasaba alyndy. Çekeleşikli geçen bäsleşikde ispaniýaly Dani Pedrosa (“Repsol Honda”) pellehanadan ilkinji bolup geçmegi başardy.
Birinji hatardan bat alan Pedrosa 27 aýlawy 45 minut 26,827 sekuntda tamamlap, şu ýylky ilkinji ýeňşini gazandy.Soňky çempion Pedrosadan 6,136 sekunt yza galan topardaşy hem watandaşy Mark Markes 2-nji, “Dukatiniň” ispan sürüjisi Horge Lorenzo-da 3-nji orny eýeledi.
Geçirilen 4 bäsleşikden soň, Walentino Rossi 62 utuk bilen 1-nji hatarda barýar.Mawerik Winýalesiň 60, Mark Markesiň-de 58 utugy bar.Möwsümiň 5-nji ýaryşy 21-nji maýda Fransiýada geçiriler.