Boks muşdaklary iki iňlis boksçynyň, agyr agramyň iki ägirdiniň, Entoni Joşua bilen Taýson Fýuriniň arasyndaky tutluşyga sabyrsyzlyk bilen garaşýar.Häzirki wagtda duşuşyga taýýarlyklar ýokary depginde dowam edýär.
Joşuanyň wekili Eddi Hirn bu barada: “2021-nji ýylda ähli ugurlaryň çempionlygy üçin Fýuri bilen duşuşyk geçiriler.Bilşiňiz ýaly taraplar ozal dilden ylalaşypdylar.Tutluşyk Ýakyn Gündogar ýurtlarynyň (BAE, Katar, Saud Arabystany) birinde geçiriler.
Duşuşykdan gazanyljak girdeji deň paýlaşylar” diýip, beýanat berdi.Ol häzirki wagtda duşuşygyň nirede geçiriljekdigi, ýaýlyma berjek käbir teleýaýlymlar bilen şertnamalar ýaly käbir kiçeňräk meseleleriň bardygyny belläp geçdi.Hirn geljek ýylyň maý aýynyň ahyrlarynda bolmagyna garaşylýan duşuşygyň girdejisini deň derejede paýlaşmak babatda ýa-da ýeňiş gazanan boksçynyň 60 göterimini almagy baradaky sowalyň öňümizdäki günlerde netijelenjekdigini, şondan soň takyk şertnamanyň baglaşyljakdygyny aýtdy.
Ol iki boksçynyň hem 135 million dollar möçberinde pul gazanmak mümkinçiliginiň bardygyny, munuň bolsa, ýurduň taryhyndaky iň uly boks tutluşyk boljakdygyny habar berdi.
The post 270 million dollarlyk duşuşyk appeared first on Zaman Türkmenistan.