Britaniýaly pop-aýdymçy zenan Dua Lipa 2024-nji ýylyň birinji ýarymynyň iň meşhur aýdymçysy diýlip yglan edildi, onuň aýdymlary bütin dünýäde radio boýunça iň köp eşitdirilen aýdymlar boldy diýip, 360 neşirine salgylanýan MIR 24 ýazýar.
Bu ugurdaky sanawy üstümizdäki ýylyň ilkinji alty aýynyň jemlerine esaslanýan Forbes žurnaly düzdi. Aýdymçy zenanyň Houdini we Training Season aýdymlary bu döwürde iň köp diňlenen aýdymlar boldy hem-de radioçartlarda öňdeligi eýeledi. Şeýle-de iň köp diňlenen aýdymlaryň onlugynda Lipanyň birbada birnäçe aýdymy ýerleşdi. Şeýle netijeler beýleki ýerine ýetirijileriň hiç birinde bolmandy.
Dua Lipanyň bäsdeşleri Beýonse, Teýlor Swift, Maýli Saýrus, Teddi Swims ýaly aýdymçy zenanlar boldy, olaryň aýdymlary-da iň meşhur kompozisiýalaryň sanawyna girdi.