Astanada Şanhaý Hyzmatdaşlyk Guramasynyň (ŞHG) agza döwletleriniň Baştutanlarynyň Geňeşiniň 24-nji mejlisine gatnaşyjylar Hytaýyň Sindao şäherini 2024-2025-nji ýyllar üçin ŞHG-niň medeni paýtagty hökmünde saýladylar.
Hytaý Halk Respublikasynyň 15 esasy şäheriniň biri bolan Sindao 1891-nji ýylda esaslandyryldy.Ol aýratyn hem ýurduň meşhur kinematografiýa merkezleriniň biri hökmünde tanalýar. Şäher 2008-nji ýylda XXIX Olimpiýa oýunlarynyň käbir ýaryşlary geçirildi. ŞHG-niň medeni paýtagty hökmünde Sindao geljekde guramanyň agza ýurtlarynyň arasynda medeni gatnaşyklary pugtalandyrmaga gönükdirilen birnäçe çäreleri alyp barar.
Mährem BABAMYRADOWA, TMÝG-nyň Hojambaz etrap Geňeşiniň Ýaşlar guramasynyň işjeň agzasy.