Dünýä bell “Forbes” žurnaly 2023-nji ýylyň iň köp pul gazanan futbolçylarynyň sanawyny mälim etdi. Sanawyň başyny ýylyň ilkinji aýynda Saud Arabystanynyň Al Nassr toparyna transfer bolan portugaliýaly super ýyldyz Kristiano Ronaldo eýeleýär. 38 ýaşyndaky oýunçy beýlekilerden ep-esli köp gazanç bilen öňde barýar. Ýyldyz oýunçynyň şu ýylky gazanan 248 million ýewro deňdir.
2-nji ýerdäki Lionel Messiniň 128, 3-nji orunda Neýmaryň 106 million ýewrolyk gazanjy bar. 4-5-nji ýerlerdäki futbolçylaryň gazanjy 100 million ýewrodan ýokary boldy. Kilian Mbappe 104 million ýewro bilen 4-nji, 100 million ýewro gazanjy bolan Karim Benzema 5-nji ýeri eýeledi.
Erling Holann (55 million ýewro), Mohamed Salah (50 million ýewro), Sadio Mane (49 million ýewro), Kewin De Bruýne (37million) hem-de Harri Keýn (34 million ýewro) ilkinji onlukdaky beýleki 5 futbolçydyr.
Kristiano Ronaldo 247 million ýewro
Lionel Messi 128 million ýewro
Neýmar 106 million ýewro
Kilian Mbappe 104 million ýewro
Karim Benzema 100 million ýewro
Erling Holann 55 million ýewro
Mohamed Salah 50 million ýewro
Sadio Mane 49 million ýewro
Kewin De Bruýne 37 million ýewro
Harri Keýn 34 million ýewro