Geçen ýylda Türkmenistan daşary ýurtlardan 6,5 müň tonnadan gowrak kofe we kakao önümlerini import etdi. Bu barada Biznes reklama gazetiniň şu günki sanynda habar berildi.
Çeşmäniň habar bermegine görä, 2023-nji ýylyň ýanwar — dekabr aýlarynda türkmen bazaryna daşary ýurtlardan kofe we kakao önümleriniň 6 müň 555 tonnasy getirilipdir. Import edilen kofeniň agramly bölegi Nescafe, Jacobs, Camel, MacCoffee, Hot drops, Nesquik haryt nyşanly dünýäniň meşhur kofe we kakao önümleriniň paýyna düşýär.
Mundan başga-da, 2023-nji ýylyň sentýabr — dekabr aýlarynda türkmen öndürijisi bolan Toýly hojalyk jemgyýeti tarapyndan Markow haryt nyşanly kofeleriň 17 665 kilogramynyň daşary ýurtlara eksport edilendigi bellenilýär.