2022-nji model ýylynyň Toyota Camry awtoulagy ABŞ-nyň Ýol howpsuzlygynyň ätiýaçlandyryş institutynyň (IIHS) geçiren gapdal kraş-synagyndan iň ýaramaz netije aldy.
IIHS institutynda Camry-den başga-da üstümizdäki model ýylynyň ýene alty awtoulagynyň gapdallygyna düşme kraş-synagyny geçirdiler. Onda Nissan Altima bilen Chevrolet Malibu iň ýaramaz netijäni görkezdiler. Honda Accord awtoulagy "üçlüjek" aldy, Hyundai Sonata we Volkswagen Jetta "makul" görüldi, ýokary netijä bolsa Subaru Outback mynasyp boldy.
IIHS-de täzelenen gapdal kraş-testi boýunça synag geçirdiler — öňki synaglar ýol-ulag hadysasynda gapdallygyna düşmegiň hakykatda çynlakaý howpdugyny görkezmeýärdi, ýogsam, şeýle hadysa uçran ýeňil awtoulaglaryň ýolagçylarynyň dörtden bir bölegi diýen ýaly ýogalýardy.
Täzelenen gapdallygyna düşme synagynda has ýokary tizlik bilen hereket edýän agyr päsgelçilik ulanylýar.Täze päsgelçiligiň agramy 1905 kg, bu bolsa orta ölçegdäki häzirki zaman wnedorožnikleriniň agramyna deňdir.Synagda päsgelçiligi 60 km/sag bilen barýan synag awtoulagy bilen çaknyşdyrýarlar (1500 kg-a garşy, öň 50 km/sag bilen barýan).