“Türkmenistanyň Hronikasy” däri-dermanlaryň bahasynyň we epidemologiýa ýagdaýlarynyň üýtgemegini yzarlamagyny dowam edýär.
2022-nji ýylyň ilkinji çärýeginde paýtagtda däri-dermanlaryň nyrhy ortaça 10 göterim arzanlady. Geçen ýylyň (ýanwar-mart) aýlarynda bolsa, tersine, däri-dermanlar 10 göterim gymmatlapdy.
Däri-dermanlaryň, şol sanda, azyk önümleriniň arzanlamagy “gara bazarda” dollaryň nyrhynyň peselmegi we 19-20 manat arasynda durnuklaşmagy bilen ilteşikli.
Adamlar oňyn ýagdaýlaryň dowam etmegine iň bärsinden, bu nyrhlaryň saklanyp galmagyna umyt edýärler.
Dermanhanalarda nobatlar ýok, bu bolsa, koronawirusa ýoluganlaryň köp däldigini gyýtaklaýyn tassyklaýan bolmagy ähtimal.Karantinler saklanyp galsa-da, awtoulag hyzmat nokatlary, sertaraşhanalar açyk, kafeler we restoranlar azyklary öýlere paýlaýarlar,käbir ýerlerde ilatyň zallarda oturmagyna rugsat edilýär.Toýlar we beýleki dabaralar gurnalýar. Emma, toý mekanlarda däl-de, howlylardaky çadyrlarda.
Martyň ahyrlarynda metjitler, ”Berkarar”, ”Aşgabat” söwda merkezleri açyldy. Ýöne,bazarlardaky egin-eşik we tehnika satylýan nokatlar ýapyk.
Söwda merkezleriniň we bazarlaryň girişinde zyýansyzlandyryjy bar. Girişde bir adam ol ýerä baranlaryň gyzgynyny ölçeýär we isleg bildirenlere el zyýansyzlandyjy berýär. Hatda, keselhanalarda we poliklinikalarda adamlaryň elleri zyýansyzlandyrylmaýar. Şol bir wagtda adamlaryň maska dakmagy zerur.
Il arasynda ýaýran gürrüňlere görä, paýtagtdaky koronawirus çäklendirmeler Orazadaky agyz bekleme gutaranda,2-nji maýdan ýatyrylar.
Emma, mundan öň “Türkmen.news”neşiriniň keselleriň ýaýramagyna garşy Adatdan daşary toparyň mejlisiniň netijeleri barada çap eden maglumatlarynda koronawirus çäklendirmeleriniň ýatyryljakdygy bilen bagly agzalmaýar. Ýöne, kararda teatrlaryň, kinoteatrlaryň, sirkiň, Mukamlar öýüniň, diri tebigat milli müzeýiniň we beýleki medeni edaralaryň açylmagyna rugsat berilendigi aýdylýar.
Aşakdaky çelgiden üç aýda käbir däri-dermanlaryň bahasynyň üýtgändigi barada rusça maglumatlar bilen tanyşmak mümkin.
The post 2022-nji ýylyň ilkinji üç aýynda Aşgabatda däri-dermanlar 10 göterim arzanlady first appeared on Türkmenistanyň Hronikasy.