2021-nji ýylyň ýanwar aýy boýunça iň kuwwatly smartfonlaryň sanawy düzüldi. Bu barada AnTuTu bençmarkyna salgylanyp, 360tv.ru habar berdi.
Birinji orny iQOO 7 smartfony eýeledi.Dekabr aýynyň lideri bolan Xiaomi Mi 11 ikinji orna geçdi.Bu gurluşlaryň ikisi-de Qualcomm Snapdragon 888 prosessorynyň esasynda işleýär.Liderleriň üçlügini Huawei Mate 40 Pro+ jemleýär.
Dördünji orny Huawei Mate 40 Pro eýeledi.Bu smartfonlaryň ikisinde-de Kirin 9000 çibi bar.Bäşinji orunda Snapdragon 865 prosessoryna esaslanýan täze Oppo Reno5 Pro+ ýerleşdi.Ortaça bahaly smartfonlaryň sanawynda MTK Dimensity 820 çipsetli Xiaomi Redmi 10X 5G lider boldy.
Ol 401 389 bal gazandy.Ikinji orunda 398 246 bal bilen Redmi 10X Pro 5G ýerleşdi. Üçünji we dördünji orunlar 395 463 we 394 913 bal bilen Kirin 985 çipsetine esaslanýan Huawei Nova 7 we Nova 7 Pro smartfonlaryna degişli.
Onlugy Honor 30, Honor X10, Huawei nova 7 SE, Oppo Reno5 5G, Redmi Note 9 Pro 5G, Realme Q2 Pro 5G jemleýär.Statistika 2021-nji ýylyň 1-nji ýanwaryndan 31-nji ýanwar aralygynda ýygnaldy.
AnTuTu reýtinginde iň ýokary däl-de, ortaça netijeler ulanylýar.