Ýene-de sanlyja günlerden gadam basyljak 2021-nji ýylda birnäçe ýyldyz futbolçynyň häzirki wagtda çykyş edýän klublary bilen şertnamasy tamamlanar.Eger-de olar gysga wagtyň içinde klublary bilen täze şertnama baglaşyp bilmeseler, onda olary tomusda transfer etjek toparlar tölegsiz hatarlaryna goşup bilerler. Şolaryň arasynda geçen transfer möwsüminde klubuny terk etmek islän, ýöne şertnamadaky käbir agyr maddalar sebäpli, mejbury toparynda galan “Lionel Messi hem bar.
Eger-de katalonlar Messi bilen şertnama baglaşyp ýetişmeseler, onda super ýyldyz tölegsiz ýagdaýda başga klublara gider. Ýewropa metbugatynda oýunçynyň PSŽ ýa-da “Mançester Siti” toparlarynyň haýsy hem bolsa birine gitjekdigi barada häzirden köp gürrüň bar. “Real Madrid” topary hem esasy ýyldyzy, kapitany Serhio Ramos bilen entek täze şertnama baglaşmady. “Milanyň” ýaş derwezeçisi Janluiji Donnarumma hem häzirki topary bilen şertnamasy tamamlanýan oýunçylary biri. “Liondan” Memfis Depaý, “Mançester Sitiniň” ýyldyzy Serhio Aguero, “Liwerpulyň” golland ýarymgoragçysy Jorjinio Wiýnaldum, “Bawariýanyň” awstriýaly goragçysy Dawid Alaba, ýene-de şol topardan Žerom Boateng dagy şertnamasy tamamlanýan ýyldyzlar.
2021-nji ýylda şertnamasy tamamlanýan futbolçylar
Lionel Messi (Barselona)
Edinson Kawani (Mançester Ýunaýted)
Dawid Alaba (Bawariýa)
Janluiji Donnarumma (Milan)
Memfis Depaý (Lion)
Serhio Aguero (Mançester Siti)
Anhel Di Mariýa (PSŽ)
Serhio Ramos (Real Madrid)
Şkodran Mustafi (Arsenal)
Luka Modriç (Real Madrid)
Diego Kosta (Atletiko Madrid)
Jesse Lingard (Mançester Ýunaýted)
Kristian Benteke (Kristal Palas)
Jorjinio Weýnaldum (Liwerpul)
Arkadiuş Milik (Napoli)
Ýulian Draksler (PSŽ)
Žerom Boateng (Bawariýa)
Huan Mata (Mançester Ýunaýted)
Dawid Luiz (Arsenal)
DennI Rouz (Tottenham)
The post 2021-nji ýylda şertnamasy tamamlanýan ýyldyzlar appeared first on Zaman Türkmenistan.