40 ýaşly Türkmenistanyň raýaty Abakar Gadyýew Bruklinde (ABŞ) talaňçylykda we dükan eýesini ölünçä gazaply ýenjenlikde aýyplanyp,19 ýyl türme tussaglygyna höküm edildi.Bu barada 4-nji martda “Brooklyn Eagle” neşiri habar berdi.
Gadyýew Nýu Ýorkyň “Braýton Biç”etrabynda ýaşaýardy. Ol 2009-nji ýylda jenaýat şärigi 40 ýaşly, Arsen Başirow bilen birlikde dükan eýesi Wladislaw Tolstowa garajda hüjüm edipdirler. Olar dükan eýesini ölünçä urupdyrlar,onuň 32 müň nagt dollaryny we gymmat bahaly sagatlaryny alypdyrlar.
Derňew wagtynda alnan wideýo ýazgyda dükan eýesi garaja gelmänkä, olaryň garaja girişi, jenaýatyň bolan ýerini nagt dollarlar we gymmat bahaly sagatlar bilen terk edişlerini görünýär.Mundan başga-da, olaryň DNK-si bolan lyja ýüz örtgileri we switr köýnekleri ele salynypdyr.
Bu jenaýatdan birnäçe gün soňra Gadyýew Türkmenistana dolanýar, ol ýerdenem Awstraliýa gidip, baş pena soraýar.
2013-nji ýylda Nýu Ýorkyň polisiýasy Awstraliýaly kärdeşleriniň kömegi bilen Gadyýewiň DNK-ni alýarlar. Ol Gadyýewiň goýup giden Red Bull içgi gutusyndan alynýar we ondaky el yzlary lyja ýüz maskadaky we switer köýnekdäki bilen birmeňzeş çykýar.
2014-nji ýylda Awstraliýanyň häkimiýetleri ekstraditasiýasy üçin Gadyýewi tussag edýärler. 2018-nji ýylda Awstraliýa Gadyýewi BŞ-iň häkimiýetlerine bermäge taýaýrdygyny mälim edýär we ol 2019-njy ýylda Amerika getirilýär.
Onuň şärigi Arsen Başirow Türkmenistanda we iki ýurdyň arasynda ekstraditasiýa boýunça ylalaşyk ýok.
“13 ýyl bäri Wladislaw Tolstynyň maşgalasy we dostlary jenaýatçynyň jezasyny çekmegine garaşdylar.Bu gün ol bigünä adamy ölünçä gazaply ýenjendigi üçin türmä basylýar” diýip kazyýetde etrap prokurory Erik Gonzales aýtdy.The post 2009-njy ýylda ABŞ-da talaňçylykda we adam öldürmekde aýyplanan Türkmenistanyň raýaty 19 ýyl möhlete türme tussaglygyna höküm edildi first appeared on Türkmenistanyň Hronikasy.