Aşgabatda şahyr Magtymguly Pyragynyň ýadygärligi dabaraly ýagdaýda açyldy, Türkmenistanyň Konstitusiýasynyň we Döwlet baýdagynyň güni bellenildi, Aşgabatda şäheriň güni mynasybetli täze desgalar açylar we beýleki habarlar
Türkmenistanda
1.Türkmen paýtagtynyň günorta böleginde, Köpetdagyň dag eteginde Magtymguly Pyragynyň doglan gününiň 300 ýyllygyna bagyşlanan ýadygärligiň аçylyş dabarasy boldy. Ýadygärlik dürli ýurtlaryň we döwürleriň dünýä belli ýazyjylarynyň we şahyrlarynyň 24 heýkelini özünde jemleýän täze medeni-seýilgäh toplumynyň düzümine girýär.
Açylyş dabarasyna Türkmenistanyň Prezidenti Serdar Berdimuhamedow ýolbaşçylyk etdi. 2.Aşgabatda Konstitusiýa gününe bagyşlanan baýramçylyk çäreleri geçirildi.Prezident Serdar Berdimuhamedowyň gatnaşmagynda Konstitusiýa binasyna we ýurduň Baş baýdagyna gül goýmak dabarasy baýramçylygaryň esasy bölegini emele getirdi.
Döwlet Baştutany watandaşlaryna iberen Gutlagynda Esasy Kanunyň we Döwlet baýdagynyň ýurduň Garaşsyzlygynyň hem-de özbaşdaklygynyň mizemez esaslaryny özünde jemläp, türkmen halkynyň parahatçylyk döredijilik, ynsanperwerlik, ýagşylyk taglymlaryna üýtgewsiz ygrarlydygyny alamatlandyrýandygyny nygtady. 3. 25-nji maýda Aşgabat şäheriniň güni mynasybetli Çoganly ýaşaýyş toplumynda iki gatly, 136 sany ýaşaýyş jaýy we Bagtyýarlyk etrabynda kuwwaty bir gije-gündizde 150 müň kub metr bolan agyz suwuny arassalaýjy desga açylar.
Türkmenistanyň Prezidenti Serdar Berdimuhamedow Aşgabat şäheriniň güni mynasybetli guraljak medeni çärelere, açylyş dabaralaryna gowy taýýarlyk görmegi we olary ýokary derejede geçirmegi tabşyrdy. 4.Türkmenistanyň Prezidenti Serdar Berdimuhamedow we türkmen halkynyň Milli Lideri, Halk Maslahatynyň Başlygy Gurbanguly Berdimuhamedow Eýran Yslam Respublikasynyň ýolbaşçylygyna şu ýylyň 19-njy maýynda Eýranyň Gündogar Azerbaýjan welaýatynda bolup geçen dikuçar heläkçiligi sebäpli Eýranyň Prezidenti Ebrahim Raisiniň aradan çykmagy zerarly gynanç bildirdiler. 5.
Türkmengaz döwlet konserni Türkmenistanyň Mary we Lebap welaýatlarynda tebigy gaz önümçiligini artdyrmak maksady bilen, täze guýulary burawlamak boýunça işleri alyp barýar. 6.Türkmenistan awiakompaniýasy Türkiýede uçarman hünäri boýunça bilim almak üçin dalaşgärleri seçip alýar.
Okuw 4 ýyl dowam eder we okuwyň tölegleri awiakompaniýa tarapyndan tölener, galan çykdajylar dalaşgär tarapyndan tölenýär.Aşgabatda deslapky seçip alyş çärelerinden soň, saýlananlar Ankarada söhbetdeşlik we lukmançylyk barlagyndan geçerler.
Giriş synaglary iýun aýynda Aşgabatda geçirilýär.Resminamalar 31-nji maýa çenli kabul edilýär.Dünýäde
7.Wenesuela soňky buzlugyny ýitiren dünýädäki ilkinji ýurt boldy.Ol wagtyň we howanyň üýtgemeginiň synagyndan geçmedi.Eremek prosesi hünärmenleriň çak edişinden has çalt boldy.Wenesueladaky iň soňky buzlugyň ýitmegi, temperaturanyň üýtgemegi sebäpli Ýeriň kriosferasy üçin kritiki nokatlaryň birine öwrülip biler. 8.
Neuralink Telepathy beýni implantyny synag etmek üçin ikinji dalaşgäri gözleýär.Ilon Mask adamlary kliniki synaglara gatnaşmaga çagyrmak bilen, ýerleşdirilen implantanyň pikiriň güýji bilen telefony we kompýuteri dolandyrylmagyna mümkinçilik döredýändigini aýtdy.
Synaga ilkinji gatnaşyjy, Nolan Arbo atly 29 ýaşly ysmaz adam şu ýylyň ýanwar aýynda implanty ýerleşdirmek boýunça üstünlikli operasiýa edildi.Sport habarlary
9.Iň güýçli türkmen dzýudoçylarynyň 8-siniň gatnaşmagynda geçirilýän dünýä çempionaty Abu-Dabide badalga aldy.Bu ýaryş Parižde geçiriljek Olimpiýa oýunlaryna saýlama ýaryşlaryň jemlemesi bolar.Bäsleşige 107 ýurtdan 658 türgen gatnaşýar. Ýapon tälimçi Kazuhiko Tokunonyň ýolbaşçylygyndaky Türkmenistanyň milli ýygyndysynyň düzüminden 8 türgen tatamä çykar. 10.
Mançester Siti futbol boýunça Angliýanyň çempionatynda ýeňiji boldy.Topar jemleýji, 38-nji tapgyrda West Hemden 3:1 hasabynda üstün çykdy. Ýeňijileriň düzüminde Fil Foden iki gol geçirdi.Angliýaly ýarymgoragçy Premýer-liganyň geçen möwsüminiň iň gowy oýunçysy diýlip ykrar edildi. Ýene bir pökgini Rodri geçirdi. Ýeňilenlerden Mohammed Kudus tapawutlandy.