Iňlis kluby “Derbi Kauntiniň” 51 ýaşly janköýeri Ed Wud 189 günde 93 duşuşyga stadionda tomaşa edip, bu ugurda dünýä rekordyny goýdy.Ol geçen möwsümde (2016/2017) 93 dürli stadionda 93 duşuşyga tomaşa etdi.
Wud 2014-nji ýylda agyr kesel sebäpli aradan çykan kakasynyň hatyrasyna şeýle edendigini aýdýar.Ed Wuddan öň rekord şotlandiýaly Berwik Reýnjerse degişli bolup, ol 1969-njy ýylda 237 günde 93 duşuşyga stadionda tomaşa edipdi.
Angliýadyr Şotlandiýada jemi 35 müň kilometrlik ýol geçen Ed Wud tomaşa eden oýunlarynyň arasynda iň gowusynyň “Tottenham”“Çelsi” duşuşygydygyny belleýär.Bu oýunda “Tottenham” 20 hasabynda ýeňip, 13 oýundan bäri ýeňiş gazanyp gelýän “Çelsiniň” bu üstünligini soňlandyrypdy.
Onuň iň soňky tomaşa eden duşuşygy-da şu ýylyň 21-nji ýanwaryndaky “Roçdeýl”“Oksford” toparlarynyň oýny bolup, onda ýer eýeleri 40 hasabynda utýar.Wagtal-wagtal kynçylyk çekendigini aýdan Ed Wud 34-nji ligalardaky käbir oýunlaryň wagtlarynyň süýşürilmeginiň özi üçin oňaýly bolandygyny, uly kömeginiň degendigini, şeýle-de petek tapmakda kösenen halatlarynda, Kolin Tolborn atly nätanyş futbol janköýeriniň ýardam edendigini belläp geçýär.
Ol iň soňky pursatda baryp ýetişen duşuşygy bilen baglanyşykly şeýle diýýär: Mansfilddäki oýun gutardy. 27 kilometr aralykdaky Notts Kauntidäki duşuşyga-da az salym galypdy.Hökmän wagtynda baraýmalydym.Edil şol pursatda motosiklli geçip barýan biri gabat geldi.
Din Rileý atly ol adam meni 10 minut galanda stadiona getirdi.Ed Wud mundan soňam özüniň rekordyny täzelemek isleýändigini aýdýar.