Ertir — 18-nji aprelde Gurbanguly Berdimuhamedow kakasy Mälikguly agany ýatlap, Aşgabatdaky Hezreti Omar metjidinde agzaçar sadakasyny berer. Şol gün Mälikguly Berdimuhamet oglunyň dünýäden ötenine bir ýyl bolýar. Bu barada 15-nji aprelde Gökdepe etrabynyň Yzgant obasynda berlen agzaçar sadakasynda Gurbanguly Berdimuhamedow aýtdy.
Ýeri gelende bellesek, mübärek Remezan aýynda agzaçar sadakasyny bermek paýhasly pederlerimizden miras galan ýagşy dessurlaryň biri bolup durýar. Şoňa görä-de, 15-nji aprelde Gurbanguly Berdimuhamedow we Prezident Serdar Berdimuhamedow pederleriniň baky aram tapan ýerine geldiler. Yzgant obasynyň Abyl işan gonamçylygynyň ýanyndaky ýörite taýýarlanan ýerde bolsa agzaçar sadakasy berildi.